Blogg Bullarans

Gegnum rifurnar - skemmtileg, þroskandi og fyndin bók. *****

Thu, 13 Dec 2007 04:32:54 GMT

Upplýsingar um mig.

Thu, 14 Dec 2006 01:38:45 GMT

Jibbý. Prófinn búinn og jólafríið blasir við manni. Flyt upp í sveit eftir 2 daga með henni Bergdísi. En núna tekur ekkert annað við hjá mér en að slaka á yfir jólin og halda áfram í skólanum eftir áramót og útskrifast (vonandi). Svo verð ég að passa mig á því að gleyma ekki að flytja.

Ég get ekki hætt að bíða eftir því að PlayStationIII komi út því ég er háður þremur leikjum í þeirri tölvu þó ég hafi aldrei prófað hana, Buzz, Singstar og Pro-Evulution-Soccer. Asnalegt að þessi tölva kemur ekki til Íslands fyrr en eftir mörg ár.

Hver veit nema að ég verði duglegri að blogga á nýju ári.... :haha:

Jólafrí

Sun, 18 Dec 2005 16:47:23 GMT

Jæja, þá er skólinn loksins búinn og ég kláraði tuttugu einingar sem ég er bara mjög sáttur með. Ég náði 8 í sögu, 7 í ensku, fjölmiðlafræði og íþróttum, 6 í dönsku, spænsku og stærðfræði 122, 5 í einhverjum tölvuáfanga sem ég er sáttur með enda er ég ekkert sérstaklega flinkur á tölvur :$. En ég féll svo í stærðfræði 202 en það kemur svosem ekkert á óvart. Þannig að ég kvarta ekki yfir skólanum á þessari önn.

Annars þangað til jólin koma þá verð ég að vinna í póstinum að keyra pakka um allan bæ og ég get nú ekki sagt að það sé neitt rosalega skemmtilegt. Vinn frá klukkan 13-22 og mér er óhætt að segja að þetta sé mjög afslappandi starf. Allavegana enn sem komið er.

En annars var ég að koma úr sumarbústað þar sem ég var með mömmu, pabba, Friðriki og Hildi og auðvitað henni Bergdísi minni og það var bara mjög gaman. Það sem vekur væntanlega mesta athygli við það er að ég drakk EKKI einn áfengan sopa alla helgina.

En ég segi bara gleiðileg jól :lol:

It´s been a while

Wed, 17 Aug 2005 19:48:22 GMT

Já einhverjir vitrir menn hætta ekki að tönnlast á því að ég uppfæri þessa síðu ekki nógu mikið. En það er svosem ágætt að frétta af mér, í dag sá ég Bobby Fischer keyra á ljósumum fyrir framan bæjarins bestu og hann leit út fyrir að vera einhver bitur róni greyið kallinn.

Annars þarf maður varla að segja neinum að maður á afmæli í dag :lol: og ég er kominn 10% nær því að verða þrítugur. Þetta hljómar skrýtið að littli ég sé að vera bendlaður við þrítugsaldurinn.

En núna á föstudaginn byrjar skólinn aftur og ég verð að játa að ég hlakka alveg ágætlega til þangað til að það gerist og sjá hvort að ég og Begga Heiða eða einhverjir úr vinahópnum eru með mér í einhverjum áföngum sem ég vona. Annars verður þetta erfiður vetur, 2 stærðfræðiáfangar, fyrsti spænskuáfanginn minn og fyrsti söguáfanginn minn. Það verður semsagt mikið af nýjungum hjá mér.

En á mánudaginn gerðist svolítið skemmtilegt, ég og gullmolinn minn hún Bergdís ákváðum að skella okkur í 6 daga ferð til London núna 7. sept nk og förum heim þann þrettánda. Það verður bara gaman og ég vona innilega að við getum fengið miða á leik Tottenham og Liverpool sem verður spilaður 10. september en við erum bara í erfiðleikum eins og er með að redda okkur miðum á leikinn. Ekki nóg með að við erum að fara til London þá erum við líka að fara til Barcelona í október og verðum þar yfir afmælið hennar Bergdísar minnar svo eftir að við lendum þá hef ég bara einn dag til að kaupa gjöf handa henni og það á væntanlega eftir að vera strembið :whut:

Annars þá er ég að spá í að láta þetta nægja í bili (allavega næstu þrjá mánuðina :haha: ) en ég þakka samt ykkur sem hafið verið að blogga fyrir mig í síðustu bloggfærslunni minni.

Bless í bili :evil:

Til hamingju

Sun, 05 Jun 2005 23:53:42 GMT

Til hamingju með afmælið Loftur Jörundur Guðbjartsson. Heppin ég að klukkan er ekki orðin tólf en ég hef þá afsökun að ég var í vinnunni :lol:

Ekkert að frétta

Sun, 05 Jun 2005 00:41:43 GMT

Ja hérna hvað maður segir lítið í fréttum. Eina sem gerist í lífi manns þessa daga er að vakna klukkan 7 til að fara að vinna eða þá að sofa út til að vinna seinnipartinn. Og ekki gerist nú neitt mikið fréttnæmt í vinnunni.

En annars þá fer ég auðvitað að vinna á morgun og ég fæ ekki frí næst fyrr en á miðvikudag, en ég hef ekki verið í fríi síðan 25. maí sl. Þannig að ég hlakka til á miðvikudaginn :o

En annars hef ég ekki margt að segja núna, en bráðlega fer ég að koma með einhverjar gríðarlegar pælingar um heimspekingslegu hugsanir mínar og mun þar af leiðandi dreifa visku minni.

En þangað til seinna.....

Skólinn búinn, JIBBY

Fri, 20 May 2005 23:52:10 GMT

Jibby, 22 einingar búnar og þegar ég sótt einkunnirnar mínar þá spurði umsjónarkennarinn minn hvort ég hefði ekki verið stanslaust að læra í allan vetur og ég reyndi fyrst og fremst að komast hjá þessari spurningu vandræðalaust með því að segja ekki neitt og ganga út :lol:

En ekki nóg með það því í dag var Begga mín að panta ferð fyrir okkur til Barcelona sem verður farinn 20-23 október, semsagt verðum úti á afmælinu hennar Bergdísar. Gistum á 4 stjörnu hóteli sem heitir IV Pere og lítur vel út og kostar þetta minna en 60.000 fyrir okkur BÆÐI :o og mamma og pabbi hennar Beggu verða líka í þessari ferð. :haha:

En annars segi ég ekkert meira í bili og það bíður mín ekkert annað en að vinna, vinna, vinna og vinna 8|

Prófin búinn

Tue, 17 May 2005 15:05:43 GMT

Í dag kláraði ég prófin mín og ég tók bæði Landafræði og Félagsfræði, ekki nóg með það því að ég er búinn að fá einkunn úr Félagsfræði, fékk nefnilega 7 á lokaprófinu og þar af leiðandi 7 í lokaeinkunn. En fyrir 2 vikum síðan var ég búinn að bóka fall í þessum áfanga hversu skringilega sem það hljómar :lol:

Mér gekk líka ágætlega á Landafræðiprófinu og Enskuprófinu og líklegt er að ég náði þeim báðum þannig að það er hægt að bóka að ég hafi náð dönsku, ensku, landafræði, félagsfræði, skák og íþróttum ;) (sagt með fyrirvara um breytingar 8| ) en þetta ku vera 14 einingar og svo er bara að vona það besta úr Líffræði, Íslensku og Eðlis og efnafræði :haha:

En samt mikið hrikalega er gaman að vera kominn í sumarfrí (vinnufrí) og fá smá frí úr skólanum.

Bergdísi gekk líka vel á prófunum og var að hlæja af því í dag hversu létt landafræðiprófið var eða er hún kannski bara svona gáfuð :D

En Bergdís má nú eiga það að hún reif mig upp í lærdómnum um þessa helgi. En ég segi bara gleiðilegt sumar við alla og hlakka til á fimmtudaginn því þá fæ ég einkannirnar mínar afhentar.

En bless í bili.

Prófin hálfnuð

Tue, 10 May 2005 21:55:23 GMT

Jæja þá eru þrjú próf búinn og önnur þrjú eru eftir, en það er Landafræði, Eðlis- og Efnafræði og Félagsfræði. Landafræði prófið er svo strax á morgun og ég á nú að kunna það ágætlega :lol: (vonandi)

Í dag var ég í tveimur prófum og gekki eitthvað undarlega, alltaf svo týpiskt að það sem maður leggur mesta áherslu á kemur aldrei á prófinu en prófin voru í íslensku og líffræði. Vonandi næ ég í það minnsta öðru :| en auðvitað vonandi bráðum.

En annars er maður bara búinn að læra og horfa á fótbolta síðustu daga og kannski aðeins meira af því síðarnefda :o tala nú ekki um þar sem að Liverpool er komið í úrslitaleikinn í Meistaradeildinni og sá leikur er 25. maí og það munaði ekki miklu að ég væri á liðinni til Tyrklands en 180 þúsund króna verðmiði lét mig hugsa tvisvar um 8|

Annars segi ég ósköp lítið, vildi bara láta heyra í mér til tilbreytingar. En vonandi batnar honum afa Kristni fljótlega en karlinn er kominn á spítala, maður þarf víst að heimsækja hann sem fyrst.

En ég kveð að bili meðan Bergdís mín er eitthvað veik (allir veikir þessa daganna:cry: )

Íslendingar að breytast í slæm kanatilfelli

Sun, 27 Mar 2005 00:58:29 GMT

Ég skil ekki hvað Íslendingar þurfa alltaf að vera litla Bandaríkin. Afhverju þurfum við að taka siði kananna svona oft? Afhverju sýnum við ekki frumkvæði og búum til okkar eigin siði, eins og þegar verslunareigendur auglýsa útaf valentínusardeginum og að allir verði að kaupa eitthvað handa kærustunni annars séu þeir lélegir kærastar. Íslendingar eiga ekki að taka mark á svona heimskum fégráðugum búðareigendum, reyna að blekkja Íslendinga með því að búa til sínar eigin asnalegu reglur um hvað á að gera og hvað á ekki að gera. Ég bíð líka í ofvæni eftir því að hrekkjavökudagur verði settur inn í íslenskt dagatal, það eru innan við 5 ár í það. Þá fer Leikbær sko að græða og það vel, bíðið þið bara. Er ekki annars hægt að kaupa hlutabréf í leikbæ? Hnuss SKANDALL. Þetta endar svo allt með því að Íslendingar byrja að taka upp dollarinn og notast við mílukerfi, yarda, og aðra asnalega mælikvarða. En hvernig væri að vera skynsöm og búa til okkar eigin siði, spanjólarnir eru með nautahlaup þar sem ofursvalir spánverjar klæddir í röndóttir hlýrabolum með nýja Sebastien gelið hlaupa geðveikt flottir frá þessum eins tonna skepnum sem hafa þörf fyrir að setja hornin sín þar sem enginn getur séð og þegar því er lokið þá hlæja allir Íslendingar af þessum spanjólaræfli þegar við horfum á myndbandið af honum á humor.is og þegar hann fer að grenja yfir því þegar flotti hlýrabolurinn hans er rifinn og honum er illt á óvinsælum stað. Þetta eru siðið sem eru skemmtilegir, ég vil þó ekki að Íslendingar fari að herma eftir þessu (enda með hvaða nautum) heldur skapi okkar eigin siði, eins og fyrsta laugardaginn í júní, hvernig væri ef að allir fiskafgangar sem Íslendingar hafa skilið eftir sig verði flutt niður á Austurstræi þar sem blindfullir Íslendingar eins og þeir gerist bestir fari í fiskislag og píni hráan fisk ofan í hvern annan eins og magn leyfir meðan allar helstu sjónvarpsttöðvar Evrópu fylgjast með og ferðamenn flykkjast hingað í tonnatali og Ísland verður rík þjóð. En þetta eru bara hugmyndir sem eru á frumstigi þannið að ég bið ykkur þó að þetta hljómi vel að gera engar væntingar, ég endurtek ENGAR væntingar. En ég finn það á mér að seinna á þessari öld drepst fótboltinn út og verður óvinsæll á Íslandi, öfugt við það sem er að gerast annars staðar í heilbrigðum Evrópulöndum og nýja þjóðaríþrótt Íslendinga verður hinn viðbjóðslegi ruðningur, en auðvitað byrjum við að kalla þá íþrótt fótbolta og gamli góði fótboltinn verður "uppnefndur" sokkari bara til þess að bögga mig, þegar þetta gerist þá mun ég sko taka til minna eigin ráða, þ.e.a.s. ef ég verð ennþá á lífi. En gleðilega páska öllsömul og hafið þið það gott :lol:

Afhverju vill enginn kaupa bílinn minn?

Sun, 06 Mar 2005 23:52:56 GMT

Það er alveg óþolandi afhverju enginn vill kaupa brummann minn, mig vantar peninga og það strax. Ef einhver hefur áhuga að kaupa Opel Östru 99 árgerð á 160 þúsund krónum undir listaverði þá má sá einstaklingur vinsamlega gera það strax. Þetta er samt væntanlega hörmulegur staður til að auglýsa bíl til sölu þannig að ég ætti að hafa þessar hugsanir útaf fyrir mig.

En ég er líka með Toyota Corollu til sölu :D

Bloggið byrjar

Sun, 06 Mar 2005 23:49:44 GMT

Jæja, núna byrjar maður á þessu blogg vitleysu. Með þessum töluðu orðum er ég að hefja mína blogggöngu. Annars er ósköp skrítið hversu latur ég er, ég hef haft átta daga til að lesa eina bévítans ensku bók, nánar tiltekið The Hobbit og ég hef ekki klárað eina einustu blaðsíðu og ég er að fara í próf í henni eftir tíu klukkustundir og fimmtíu og tvær mínútur. 8|

Annars segir maður ósköp lítið annað og ég er farinn að vera svangur :klikk: